Լողի ստուգատես․ ամփոփում

Հերթական ստուգատեսային շաբաթը 5 տարեկաններն անցկացրին կրթահամալիրի փակ լողավազանում՝ ամփոփելով սեպտեմբեր-նոյեմբեր ամիսների ընթացքում ձեռքբերած հմտությունները: Ամփոփումը՝ բլոգում:

Ազզային պարերի ուսուցում

«Լիսիցյանական օրեր» նախագծի ընթացքում սովորողներն ընկեր Տաթևի հետ սովորեցին և պարեցին «Բուլուլ», «Փափուռի» և «Էջմիածին» ազգային պարերը։

Ավելին՝ Սեդա Վիրաբյանի բլոգում:

Երբ ընտանեկան խոհանոցը մտնում է պարտեզ

«Երբ ընտանեկան խոհանոցը մտնում է պարտեզ» նախագծի շրջանակում այսօր մեզ հյուր էր եկել սեբաստացի Ադանայի մայրիկը՝ Մարիամ Հարությունյանը: Միասին պատրաստեցինք համեղ գաթա։

Ավելին՝  Գոհար Հարությունյանի բլոգում:

Ուսումնական պարապմունք «Տիգրան Հայրապետյան» գրադարանում

«Սեբաստացու օրեր» նախագծի շրջանակում Արևելյան դպրոց-պարտեզի 5 տարեկաններն այցելեցին «Տիգրան Հայրապետյան» գրադարան, որտեղ իրականացրեցին շրջայց, սովորողները ծանոթացան գրադարանից օգտվելու կանոններին, հետաքրքիր զրույց ունեցան բանաստեղծ Գյուլնարա Իվանյանի հետ, տարբեր հետաքրքիր հարցեր ուղղեցին բանաստեղծին, իսկ վերջում ընկեր Սյուզին վարդենիսի բարբառով ընթերցեց Հ. Թումանյանի «Ծիտը» հեքիաթը:

Ազգային բակային խաղեր Մարինե Մկրտչյանի հետ

«Լիսիցյանական օրեր» նախագծի շրջանակում՝ «Ազգային, ավանդական խաղերը որպես հանրակրթական ծրագրերի բաղադրիչ և ազգային մշակույթի փոխանցման միջոց»  նախագծով համագործակցում ենք Մարինե Մկրտչյանի հետ։

Այսօր Արևելյան դպրոցի բակում 2․3 և 2․4 դասարանների սովորողները տիկին Մարինեի հետ ճվիկներ և մի քանի ուժախաղեր խաղացին։

Տեսանյութը՝ այստեղ:

Ավելին՝ Սեդա Վիրաբյանի բլոգում:

«Էկո պայուսակներ» նախագծի ամփոփում

Հյուսիսային դպրոցի 2․1 դասարանի սովորողներն «Էկո պայուսակներ» համագործակցային նախագծի շրջանակում արդեն այսպիսի գեղեցիկ էկոպայուսակներ ունեն։

Ավելին՝ Մանուշակ Աբրահամյանի դասարանական բլոգում։